لاہور (پاک ترک نیوز) پاکستان اور آسٹر یلیا کی ٹیمیں کل دوسرے ٹی ٹونی میچ میں مد مقابل آئیں گی۔تینوں پر مشتمل سیریز میں شاہینوں کو ایک صفر کی برتری حاصل ہے۔
پاکستان کل سیریز اپنے نام کرنے کیلئے میدان میں اترے گا جبکہ کینگروز سیریز میں واپسی کیلئے ایڑ ی چوٹی کا زور لگائیں گے ۔
تین میچز پر مشتمل سیریز کے پہلے ٹی ٹونٹی میچ میں پاکستان نے آسٹریلیا کو 22رنز سے شکست سے دوچارکیا تھا ۔ پاکستان نے ٹاس جیت کر پہلے بیٹنگ کا فیصلہ کیا تھا ۔شاہینوں نے مقررہ بیس اوورز میں 8وکٹوں کے نقصان پر 168رنز سکور کئے ۔
پاکستان کی جانب سے صائم ایوب نے 40،کپتان سلمان علی آغا نے 39جبکہ بابراعظم نے 24رنز کی اننگز کھیلی ۔
آسٹریلیا کی جانب سے ایڈم زمپا نے 4جبکہ بارٹلیٹ اور بیڈر مین نے 2،2کھلاڑیوں کو آئوٹ کیا ۔
کینگروز ٹیم 169رنز کے ہدف کے تعاقب میں بیس اوورز میں 146رنز بناسکے ۔
آسٹر یلیا کی جانب سے کیمرون گرین نے 36،بارٹلیٹ نے 34جبکہ ٹریوس ہیڈ نے 23رنز بنائے ۔
پاکستان کی جانب سے صائم ایوب اور ابرار احمد نے دو دو وکٹیں اپنے نام کیں ۔
واضح رہے کہ سیریز کا تیسرا اور آخری ٹی ٹونٹی میچ یکم فروری کو کھیلا جائے گا ۔
یاد رہے کہ دونوں ٹیموں کے درمیان 29میچز کھیلے جا چکے ہیں جہاں کینگروز اور شاہینوں نے 14،14میچز میں کامیابی حاصل کر رکھی ہے ۔
