مودی کے خلاف احتجاج پر قائد حزب اختلاف راہول اور پریانکا گاندھی گرفتار

نئی دہلی(پاک ترک نیوز ) مودی سرکار نے بھارت کی بانی جماعت کانگریس کے رہنما قائد حزب اختلاف راہول گاندھی اور پریانکا گاندھی کو گرفتار کر لیا۔
تفصیلات کے مطابق نئی دہلی میں حزب اختلاف کی جانب سے پارلیمنٹ ہاؤس سے الیکشن کمیشن کی طرف مارچ کیا جا رہا تھا جب پولیس نے راہول گاندھی اور پریانکا گاندھی کو گرفتار کر لیا۔
راہول گاندھی تقریباً 300 اپوزیشن اراکین کے ہمراہ پارلیمنٹ ہاؤس سے الیکشن کمیشن کی جانب مارچ کر رہے تھے۔راہول گاندھی نے کہا کہ مودی سرکار طاقت سے ہماری آواز دبانے کی کوشش کر رہی ہے، یہ لڑائی سیاسی نہیں، بلکہ آئین کو بچانے کی ہے، یہ لڑائی ’ایک آدمی، ایک ووٹ‘ کے اصول کے لیے ہے، ہم ایک صاف اور شفاف ووٹر لسٹ چاہتے ہیں۔
مظاہرے کے دوران پولیس نے پریناکا گاندھی، سنجے راوت، ساگرِکا گھوش سمیت کئی رہنماؤں کو بھی حراست میں لے لیا، اپوزیشن اتحاد نے انتخابی فہرست میں مبینہ بے ضابطگیوں اور شفافیت کے فقدان کے خلاف شدید احتجاج کیا۔