تہران (پاک ترک نیوز )ایرانی وزیرخارجہ عباس عراقچی کا کہنا ہے امریکا کے ساتھ مفاہمتی یادداشت پر ابھی دستخط نہیں ہوئے، تبدیلی ممکن ہے، جوہری معاملات بعد کے مراحل میں زیر بحث آئیں گے۔ ایران کے ایٹمی معاملے کو ملتوی کر دیا گیا۔
ایرانی وزیر خارجہ نے کہاامریکا کے ایٹمی مطالبات ہمیں قابل قبول نہیں ۔ معاہدے میں لبنان سمیت ہر محاذ پر جنگ کا خاتمہ شامل ہو گا۔
عباس عراقچی نے مزید کہا ایران امریکا کے خلاف جنگ کا فاتح ہے، ایران امریکا جنگ کے بعد مزید مضبوط ہو کر ابھرا ہے۔
عباس عراقچی نے کہا آبنائے ہرمز کی مینجمنٹ جنگ سے پہلے کے دور میں واپس نہیں جائے گی۔ ایران آبنائے ہرمز میں جہازوں کی محفوظ گزرگاہ یقینی بنائے گا۔ہماری تلوار ہمیشہ آبنائے ہرمز پر لٹکتی رہے گی، آبنائے ہرمز پر ایران اور عمان کی خودمختاری ہے۔
ترجمان ایرانی وزارت خارجہ اسماعیل بقائی کا کہنا ہے بات چیت میں زیادہ تر امور پر سمجھوتے طے پا گئے ، داخلی مشاورت حتمی نتیجے تک پہنچنے کے آخری مرحلے میں ہے۔
