اسرائیلی بحریہ غزہ کے قریب فلوٹیلا کو روکنے میں ناکام۔منتظمین

میڈرڈ (پاک ترک نیوز)عالمی سمد فلوٹیلا کو روکنے کے لیے اسرائیلی بحریہ کی چال ناکام ہوگئی ہے اور اسرائیلی بحری جہازقافلے کے سب سے بڑے جہاز الما کو روکنے کے کچھ دیر بعد واپس چلے گئے۔ اور اب غزہ کے لئے امدادی سامان لے جانے والا بحری قافلہ "خطرے کے زون”میں سفر جاری رکھے ہوئے ہے۔
فلوٹیلا کے ترجمان نےسماجی رابطے کے پلیٹ فارم پراپنے بیان کے ذریعے بتایا ہےکہغزہ جانے والے گلوبل سمد فلوٹیلا کے لیڈ جہاز الما کو اس وقت شدید خطرہ لاحق ہو گیا تھا جب ایک بڑا اسرائیلی جنگی جہازفلوٹیلا سے پانچ فٹ فاصلے پر آ گیا تھا اور اس نے الما جہاز کے انجن اور پورے مواصلاتی نظام کو مفلوج کر دیا تھا۔
اس کے بعد اسی اسرائیلی جہاز نے ایک اور بحری جہاز سیریس کو نشانہ بنایا اورقافلے کے راستے سے ہٹ جانےسے قبلکافی دیر تک اسی طرح کے ہراساں کرنے والے ہتھکنڈوں میں مصروف رہا۔
اس کے بعد اسرائیلی جنگی جہازوں نے فلوٹیلا کو منتشر کرنے کے لیے متعدد اطراف سے گھسنے کی کوشش کی۔ لیکن تمام بحری جہازوں نے چال چلی اور راستے میں ہی ٹھہرے رہے۔ ترجمان نے اسرائیلی بحریہ کی جانب سے روکنے کی کوششوں کو فلوٹیلا کے عزم کا امتحان قرار دیتے ہوئے کہا کہ اگر آپ 47 جہازوں کو روک بھی لیں تو بھی 48 واں غزہ کی طرف سفر جاری رکھے گا۔
تاہم یہ جنگی جہاز اپنی ڈرانے دھمکانے کی کاروائی کے بعد واپس لوٹ گئے اور بحری قافلہ "خطرے کے زون”میں اپنا سفر جاری رکھے ہوئے ہے۔