تہران ( پاک ترک نیوز) ایران چھا گیا،جنگ میں بڑی فتح ،مشرق وسطیٰ میں امریکی تنصیبات کا صفایا، مشرق وسطیٰ میں امریکی تنصبات ایران کے نشانے پر آ گئیں جنگ کے دوران ڈرون اور میزائل حملوں سے امریکی اور اتحادی اہداف کو بڑے پیمانے کا نقصان پہنچا ۔
ایران کی طرف سے مشرق وسطیٰ میں امریکی اہداف پر حملے جاری ہیں ،ایک رپورٹ کے مطابق حملوں میں کم سے کم سترہ امریکی مقامات کو نقصان پہنچا ،گیارہ امریکی فوجی اڈے اور تنصیبات نشانے پر رہیں ،سعودی عرب کےپرنس سلطان ائیر بیس ، قطرکے العدیدائیربیس کو نشانہ بنایاگیا ۔
کویت کے علی السالم ائیر بیس اورکیمپ بوہرنگ بھی حملوں سے متاثر ہوئے ، بحرین میں امریکی بحریہ کے ففتھ فلیٹ ہیڈکوارٹر کو بھی شدید نقصان پہنچا ۔ متحدہ عرب امارات کے الظفرہ ائیر بیس اور جبل علی پورٹ بھی ایرانی حملوں میں متاثر ہوئے۔
عراق اور شام میں قائم امریکی فوجی اڈوں کو میزائل اور ڈرون حملوں کا نشانہ بنایا گیا، امریکی حکام کا کہنا ہے کہ حملوں کے نتیجے میں کچھ تنصیبات کو نقصان پہنچا تاہم دفاعی نظام نے کئی میزائل اور ڈرون فضا میں ہی تباہ کر دیئے۔ امریکا نے اپنے فوجی اڈوں کی سیکیورٹی مزید سخت کرتے ہوئے خطے میں اضافی دفاعی اقدامات کا اعلان کیا ہے۔
ماہرین کے مطابق ان حملوں کے بعد مشرقِ وسطیٰ میں طاقت کا توازن مزید نازک ہو سکتا ہے اور بڑے تصادم کا خدشہ بھی بڑھ گیا ۔تجزیہ کاروں کا کہنا ہے کہ اگر حملوں اور جوابی کارروائیوں کا سلسلہ جاری رہا تو پورا خطہ ایک بڑے بحران کی طرف بڑھ سکتا ہے۔
