اسلام آباد(پاک ترک نیوز )وفاقی وزیرداخلہ محسن نقوی نے جنوبی وزیرستان کے علاقے میں خوارجیوں کی دراندازی کی کوشش ناکام بنانے پر پاک فوج کو خراج تحسین پیش کیا ہے ، وزیرداخلہ محسن نقوی نے خوارجیوں کی دراندازی ناکام بنانے پر پاک فوج کی پیشہ وارانہ صلاحیتوں کو سراہا ۔
وزیر داخلہ محسن نقوی نے کہا پاک فوج نے بروقت کارروائی کرکے خوارجیوں کے مذموم عزائم کو ناکام بنایا ۔ پاک فوج کے بہادر جوانوں کو سلام پیش کرتا ہوں۔
وزیرداخلہ محسن نقوی نے دراندازی کی ناکامی کے بعد افغان طالبان کی سول آبادی پر فائرنگ کے واقعہ کی مذمت کی اورزخمیوں کی جلد صحتیابی کیلئے دعا کی ۔
وزیر داخلہ محسن نقوی نے کہاپاک فوج نے موثر کارروائی کرتے ہوئے افغان طالبان رجیم کو بلااشتعال فائرنگ کامنہ توڑ جواب دیا۔ قوم کو پاک فوج کی پیشہ وارانہ مہارت اور جرات پر فخر ہے۔ پوری قوم پاک فوج کے شانہ بشانہ کھڑی ہے۔
وزیر داخلہ محسن نقوی کا پاک فوج کو خراج تحسین
