دبئی ( پاک ترک نیوز) ایشیا کپ مقابلوں میں پاکستان کے مقابلے میں بھارت کا پلڑا بھاری ہے۔
ایشیا کپ میں روایتی حریف بھارت اور پاکستان کے درمیان 19 میچ کھیلے گئے، بھارت کو 10 میں فتح حاصل ہوئی جبکہ پاکستان 6 میچز میں فتح یاب رہا، تین میچ بے نتیجہ رہے۔
دونوں ٹیموں کے درمیان ہونے والے میچز ہمیشہ سے شائقین کی توجہ کا مرکز رہے ہیں، ایشیا کپ کے آئندہ ایڈیشن میں ایک بار پھر دونوں ٹیموں کے درمیان سخت مقابلے کی توقع کی جا رہی ہے۔
بھارت اور پاکستان اب تک ایشیا کپ کے ایڈیشنز میں 19 مرتبہ ایک دوسرے کے آمنے سامنے آ چکے ہیں۔ یہ مقابلے ایشیا کپ کے ون ڈے اور ٹی ٹوئنٹی دونوں فارمیٹس میں ہوئے۔
1984 میں بھارت 54 رنز سے جیتا، 1988 میں بھارت کو چار وکٹوں سے فتح حاصل ہوئی۔ 1995 میں پاکستان نے بھارت کو 97 رنز سے شکست دی، 1997 میں میچ بغیر کھیلے بے نتیجہ رہا، 2000 میں پاکستان نے 44 رنز سے فتح حاصل کی۔
ایشیا کپ کی تاریخ میں سب سے زیادہ رنز بنانے کا اعزاز سری لنکا کے لیجنڈری اوپنر سنتھ جے سوریا کے نام
2004 میں پاکستان 59 رنز سے فتح یاب رہا، 2008 میں دونوں ٹیمیں ایونٹ میں دو بار آمنے سامنے آئیں، پہلے میچ میں بھارت نے چھ وکٹوں سے میچ جیتا جبکہ دوسرا میچ پاکستان نے 8 وکٹوں سے جیتا۔ 2010ء میں بھارت تین وکٹوں سے فتح یاب رہا۔
2016 میں بھارت پانچ وکٹوں سے کامیاب ہوا، 2018 میں بھی دونوں ٹیمیں دو بار آمنے سامنے آئیں، پہلا میچ بھارت نے 9 وکٹوں جبکہ دوسرا میچ 8 وکٹوں سے جیتا۔ 2022 میں بھی دو میچ کھیلے گئے، پہلا میچ پانچ وکٹوں سے بھارت کے نام رہا، دوسرا میچ پاکستان نے 5 وکٹ سے جیتا۔
2023ء میں بھی ایشیا کپ میں دونوں ٹیمیں دو بار آمنے سامنے آئیں، پہلا میچ بے نتیجہ رہا جبکہ دوسرا میچ بھارت نے 228 رنز سے جیتا۔ اس بار بھی دونوں ٹیموں کے درمیان کانٹے دار مقابلے کی توقع ہے۔
ایشیا کپ مقابلوں میں پاکستان کے مقابلے میں بھارت کا پلڑا بھاری
