نیو یارک ( پاک ترک نیوز) فیفا ورلڈ کپ 2026 کے سیمی فائنلز کی لائن اپ مکمل ہو گئی ہے، فرانس، اسپین، انگلینڈ اور ارجنٹینا فائنل میں جگہ بنانے کے لیے مدمقابل ہوں گی۔
فیفا ورلڈ کپ کا پہلا سیمی فائنل 15 جولائی کو فرانس اور اسپین کے درمیان کھیلا جائے گا۔ دونوں یورپی ممالک شاندار فارم میں ہیں اور اس مقابلے کو ٹورنامنٹ کا بڑا معرکہ قرار دیا جا رہا ہے۔
ارجنٹینا اور انگلینڈ کے درمیان دوسرا سیمی فائنل 16 جولائی کو کھیلا جائے گا ، ارجنٹینا نے سوئٹزرلینڈ کو اضافی وقت میں شکست دی، جبکہ انگلینڈ نے ناروے کو سنسنی خیز مقابلے کے بعد دو ایک سے ہرایا۔
فرانس نے مراکش کو کوارٹر فائنلز میں دو صفر، اسپین نے بیلجیئم کو دو ایک، انگلینڈ نے ناروے کو دو ایک جبکہ ارجنٹینا نے سوئٹزرلینڈ کو اضافی وقت میں تین ایک سے شکست دے کر آخری چار ٹیموں میں جگہ بنائی۔
دونوں سیمی فائنلز کے فاتحین 20 جولائی کو فیفا ورلڈ کپ 2026 کے فائنل میں آمنے سامنے ہوں گے۔
