لاہور( پاک ترک نیوز) دنیا کی نصف خواتین رات کے وقت تنہا باہر جانے سے خوفزدہ ، عالمی سروے میں تشویشناک نتائج سامنے آ گئے ۔
ایک سروے رپورٹ کے مطابق جنسی ہراسانی اور تشدد کا سامنا کرنے کی شکایت میں اضافہ ہوا۔ خواتین میں عدم تحفظ کا احساس مردوں کے مقابلے میں دگنا ہوا ، عالمی سطح پر رات کو باہر نکلنے میں خوف کا اظہار 26 فیصد مردوں نے کیا ، جبکہ خواتین میں یہ شرح 45 فیصد نظر آئی۔پاکستان واحد ملک نظر آیا جہاں یہ شرح برابر دکھائی دی، پاکستان میں 69 فیصد مرد اور 70 فیصد خواتین نے رات میں تنہا باہر جاتے ہوئے خوف کا اظہار کیا۔
عالمی سطح پر جنسی ہراسانی کا سامنا کرنے کی شکایت کرنے والی خواتین کی شرح 7 فیصد سے 10 فیصد ہوگئی 18 سے 24 سال کی نوجوان لڑکیوں کی جانب سے یہ شکایت 4 فیصد اضافے سے 20 فیصد ہوگئی ۔ امریکہ میں یہ شرح تقریباً 47 فیصد، جبکہ یورپی ممالک میں 43 فیصد ریکارڈ کی گئی۔
دنیا کے 44 ممالک میں کی گئی تحقیق کے مطابق 45 فیصد خواتین رات کے وقت تنہا باہر نکلنے سے خوفزدہ ہیں۔ امریکہ اور یورپ کے کئی ممالک میں یہ شرح بہت زیادہ دیکھی گئی ہے، جو خواتین کی حفاظت کے حوالے سے عالمی سطح پر تشویش کا سبب بن رہی ہے۔
تشدد کا سامنا کرنے والی خواتین کی شرح بھی 3 فیصد اضافے کے بعد 17 فیصد پر دیکھی گئی۔45 فیصد خواتین نے اعتراف کیا کہ وہ رات میں تنہا باہر جانے سے خوفزدہ ہیں۔ خواتین شہریوں کا کہناہے رات کو باہر نکلنا ہمیشہ خطرناک محسوس ہوتا ہے۔
