فرانس اور جرمنی کا ٹرمپ اوریورپی یونین کے ساتھ تجارتی معاہدہ پر مایوسی کا اظہار

پیرس (پاک ترک نیوز) فرانس اورجرمنی نے امریکی صدر ڈونلڈ ٹرمپ اور یورپی یونین کے درمیان ہونیوالے تجارتی معاہدے پر مایوسی کا اظہار کیا ہے ۔
تفصیلات کے مطابق یورپ کی دو بڑی معیشتوں کے رہنماؤں نے یورپی یونین کے سربراہ ارسلا وان ڈیر لیین اور امریکی صدر ڈونلڈ ٹرمپ کے درمیان طے پانے والے تجارتی معاہدے پر مایوسی کا اظہار کیا ہے ۔
جرمن چانسلر فریڈرک مرز کا کہنا ہے کہ اس معاہدے سے ان کی قوم کے مالیات کو "کافی نقصان” پہنچے گا، جبکہ فرانسیسی وزیر اعظم فرانسوا بائرو نے کہا کہ یہ "تسلیم” کے مترادف ہے۔ردعمل پورے بلاک میں مایوس کن رہا ہے – اگرچہ متعدد دارالحکومتوں نے تسلیم کیا کہ ایک غیر مساوی معاہدے پر دستخط کرنا اس کے قابل تھا تاکہ تجارتی جنگ کو ختم کیا جاسکے۔
واضح رہے کہ اتوار کو سکاٹ لینڈ میں طے پانے والے معاہدے کے مطابق زیادہ تر یورپی اشیا پر 15 فیصد تک ٹیرف عائد کیا جائے گا جو کہ قبل ازیں ڈونلڈ ٹرمپ کی جانب سے دی گئی دھمکی کا تقریباً نصف ہے۔امریکہ اور یورپی یونین اہم اتحادی ہیں جو عالمی تجارتی مارکیٹ میں تقریباً ایک تہائی حصہ رکھتے ہیں۔
انہوں نے یورپی یونین کی جانب سے امریکہ میں 600 ارب ڈالر کی سرمایہ کاری کرنے اور امریکہ سے توانائی اور فوجی ساز و سامان کی خریداری میں ڈرامائی اضافے کی منصوبہ بندی کو بھی سراہا۔