اسلام آباد ( پاک ترک نیوز) قومی سطح پر اخراجات پر قابو پانے کے لئے کفایت شعاری اقدامات جاری رکھنے کا فیصلہ کر لیا گیا ، وفاقی کابینہ نے گزشتہ برس کے کفایت شعاری پالیسی رواں مالی سال جاری رکھنے کی منظوری دے دی،کابینہ کی منظوری کے بعد فنانس ڈویژن کی جانب سے کفایت شعاری پالیسی پر عملدرآمد کا نوٹیفکیشن جاری کر دیا گیا۔
یہ بھی پڑھیں: ایران سنجیدہ ہو تو امریکا مذاکرات کے لیے تیار ہے،مارکو روبیو
وفاقی حکومت نےاخراجات کو قابو میں رکھنے کے لیےرواں مالی سال کفایت شعاری کےاقدامات لاگو کر دیئے۔تین سال سےخالی تمام آسامیاں ختم کر دی گئیں،نئی آسامیوں کی تخلیق اورگاڑیوں کی خریداری پر پابندی ہو گی،کفایت شعاری پالیسی کے تحت گزشتہ برس سے جاری اقدامات نافذ العمل رہیں گے۔
