الیکٹرک ٹرام سروس مزید دو شہروں میں جلد شروع کرنے کا فیصلہ

لاہور ( پاک ترک نیوز ) پنجاب حکومت نے بغیر ٹریک الیکٹراک ٹرام سروس کو جلد مزید شہروں میں شروع کا فیصلہ کیا ہے ۔
وزیر اعلیٰ پنجاب مریم نواز نے پنجاب کے دو دیگر بڑے شہروں میں پاکستان کی پہلی ٹریک لیس الیکٹرک ٹرام چلانے کے منصوبے کا اعلان کیا ہے۔
ٹرام سسٹم جسے سپر آٹونومس ریپڈ ٹرانزٹ (SART) کے نام سے جانا جاتا ہے- کو لاہور میں ایک کامیاب پبلک روڈ ٹیسٹ کے بعد جلد ہی فیصل آباد اور گوجرانوالہ تک پھیلا دیا جائے گا۔
اس سے شہریوں کو نقل و حرکت میں آسانی ہو گی اور اس کے ساتھ ساتھ آب و ہوا کے حوالے سے اہم پیش رفت کا امکان ہے ۔
گزشتہ ہفتے، وزیر اعلیٰ پنجاب مریم رائیونڈ روڈ سے مسلم ٹاؤن تک تجرباتی سواری کے لیے ملک کی پہلی مکمل الیکٹرک، ٹریک لیس ٹرام پر سوار ہوئیں۔ ان کے ساتھ پنجاب کے وزیر ٹرانسپورٹ بلال اکبر بھی تھے، جنہوں نے انہیں ٹرام کی ٹیکنالوجی اور صلاحیتوں کے بارے میں بتایا کیونکہ یہ لائیو سٹی ٹریفک کے ذریعے چلتی ہے۔