اسلام آباد ( پاک ترک نیوز) وزیراعلیٰ مریم نواز نے کچہ ایریا میں 23ارب روپے کے ڈویلپمنٹ پراجیکٹس کا اعلان کر دیا۔
اپنا کھیت ،اپنا روزگار سکیم کے تحت 14 ہزار 500ایکڑ سرکاری اراضی کچے کے لوگوں کو دینے کا حکم بھی دیا ،پہلی مرتبہ کچہ میں 5 ماہ میں کوئی واقعہ پیش نہیں آیا،تاریخ میں پہلی مرتبہ حکومت کی رٹ مضبوطی سے قائم ہو گئی ، 23ارب روپے سے کچہ ایریا ڈویلپمنٹ پروگرام، سکول، ہسپتال، سڑکیں اور برج بنیں گے،وزیراعلیٰ مریم نواز نے کچہ کے لئے ٹرانسپورٹ اور کلینک آن ویل بھیجنے کا حکم بھی دے دیا ،وزیراعلیٰ کی کی ہدایت پر موبائل وٹرنری ہسپتال اور لیب بھی مہیا کی جائے گی،کچہ کے علاقے میں پہلی مرتبہ جدید سولر انرجی سے چلنے والے ڈرون سرویلنس شروع کر دی گئی ، جدید ترین اے پی سی اور پولیس وین میں بھی سرویلنس کیمرے نصب ہوں گے،کچہ کے علاقوں میں تھانوں اور چیک پوسٹوں میں بھی سیف سٹی مانیٹرنگ کی جائے گی۔
کچہ میں امن و امان کے لئے 7.1 ارب،سوشل انفراسٹرپر 13.9 ارب اور دیگر امور پر 1.7ارب روپے خرچ کیے جائیں گے،کچہ ایریا میں 6551 طالبات کو سکول میل ملک پیک ملیں گے،300 طلبہ کو ہونہارسکالر شپ اور300 کو لیپ ٹاپ ملیں گے، کچے کے علاقے میں 108کلومیٹرطویل سولنگ اور روڈز کی 144 کلومیٹر طویل 27 سکیمیں مکمل کی جائیں گی۔ 65 سکولوں کی تعمیر و بحالی اور اپ گریڈیشن بھی ہوگی، کچہ میں 16 نئے سکول اور دو گرلز کالج بھی بنیں گے،کچے کے علاقے میں نادرارجسٹریشن بھی شروع، کمپیوٹرائزڈ شناختی کارڈاور ب فارم بنائے جائیں گے۔
کچے کے علاقے میں میں ڈیوٹی کرنے والے جوانوں اور افسروں کے لئے ہارڈ ایریا الاؤنس کی منظوری دے دی گئی ،متعلقہ تھانے میں اسلحہ واپسی کی ڈیجیٹل مانیٹرنگ ہوگی، اسلحہ کی افادیت کے مطابق پیسے ملیں گے،کچہ کی مرکزی سڑکوں کے کناروں پر لمبے پودوں والی فصلیں لگانے پر پابندی لگا دی گئی ،وزیراعلیٰ پنجاب مریم نوا زکا کہناہےترقی اور خوشحالی پنجاب کے دوسروں لوگوں کی طرح کچہ کے ہرفرد کا حق ہے۔ کچہ کو ترقی دے کرمحفوظ، مثالی اور بہترین علاقہ بنائیں گے۔ اب کچہ ترقی کرے گا، کچہ کے لوگ خوشحال ہوں گے اور باعزت روزگار کمائیں گے۔
وزیراعلیٰ کا کچہ ایریا میں 23ارب کے ترقیاتی پراجیکٹس کا اعلان
