بنگلادیش نے آئی سی سی وفد میں شامل بھارتی اہلکار کو ویزا دینے سے انکار کر دیا

ڈھاکہ ( پاک ترک نیوز) بنگلادیش نے انٹرنیشنل کرکٹ کونسل (آئی سی سی )وفد میں شامل بھارتی اہلکار کو ویزا دینے سے انکار کر دیا۔
ورلڈکپ کے وینیوز کے معاملے میں آئی سی سی کے دو رکنی وفد نے بنگلا دیش کا دورہ کرنا تھا۔
آئی سی سی وفد میں ہیڈ آف اینٹی کرپشن اینڈ سیکیورٹی اینڈریو ایپہگریو اور بھارت سے تعلق رکھنے والے سینئر ایگزیکٹو شامل تھے، صرف ہیڈ آف اینٹی کرپشن اینڈ سیکیورٹی کو ویزا جاری کیا گیا۔اینڈریو ایپہگریو دو روزہ دورے پر آج بنگلادیش پہنچیں گے۔ آئی سی سی وفد کے دورے کا مقصد ورلڈکپ کے وینیوز کی تبدیلی پر بات چیت کرنا ہے۔
واضح رہے کہ بنگلا دیش نے سیکیورٹی خدشات کی وجہ سے بھارت میں اپنے ٹی ٹوئنٹی ورلڈکپ کے میچز کھیلنے سے انکار کیا ہے۔