واشنگٹن (پاک ترک نیوز )امریکی صدر ڈونلڈ ٹرمپ نے سعودی عرب کے ریاض ایئرپورٹ پر حملے کو ناقابل قبول اور افسوسناک قرار دیتے ہوئے سعودی ولی عہد محمد بن سلمان سے بات کرنے کا اعلان کیا ہے۔
میڈیا سے گفتگو کرتے ہوئے ڈونلڈ ٹرمپ نے کہا کہ انہیں حالیہ حملے کے بارے میں ابھی معلوم ہوا ہے، امریکا اس معاملے کا جائزہ لے گا اور فیصلہ کرے گا کہ آگے کیا کارروائی کرنی ہے۔ ان کا کہنا تھا کہ امریکا بہت تیزی سے کارروائی کرتا ہے۔
یمن پر سعودی حملوں میں امریکی شمولیت سے متعلق سوال پر ٹرمپ نے کہا کہ امریکا اس معاملے میں شامل ہو سکتا ہے اور اس امکان کا جائزہ لیا جا سکتا ہے۔
امریکی صدر کا مزید کہنا تھا کہ سعودی عرب اپنے دفاع کی اچھی صلاحیت رکھتا ہے، تاہم امریکا صورت حال کا جائزہ لے گا۔
