آر اے شمشاد
پاکستان اور جنوبی افریقہ کے درمیان پہلے ٹیسٹ میچ کا کل آغاز ہونے جا رہاہے ۔ ممکنہ پلیئنگ الیون میں آصف آفریدی کا نام بھی شامل ہے جو اپنا ٹیسٹ ڈیبیو کرنے کیلئے تیارہیں ۔ ہیڈ کوچ اظہر محمود آصف آفریدی کی بائولنگ سے متاثر ہیں جس کے باعث انہیں پلیئنگ الیون میں شامل کرنےکا فیصلہ کیا گیا ہے ۔38سالہ لیفٹ آرم سپنر آصف آفریدی پاکستان کی جانب سے ٹیسٹ ڈیبیو کرنیوالے دوسرے معمر ترین کھلاڑی بن سکتے ہیں ۔
https://www.youtube.com/watch?v=Bcf9gKjn8RQ
اس سے قبل میران بخش نے 47سال اور 284دن کی عمر میں پاکستان کی نمائندگی کا اعزاز حاصل کیا تھا وہ پاکستان کے سب سے زیادہ عمر والے ٹیسٹ پلیئر ہیں ۔ میران بخش ٹیسٹ کے دوسرے معمر ترین کھلاڑی بھی ہیں ۔ انگلینڈ کے جے سدرٹن ٹیسٹ میں ڈیبیو کرنےوالے سب سے زیادہ عمر کے کھلاڑی ہیں ۔انہوں نے 49سال اور 119دن کی عمر میں اپنے ٹیسٹ کیریئر کا آغاز کیا تھا ۔
پاکستان کی جانب سے ابھی تک ٹیسٹ میں ڈیبیو کرنیوالے دوسرے معمر ترین کھلاڑی کا اعزاز تابش خان کے پاس ہے جنہوں نے 36سال اور 146دن کی عمر میں اپنا ٹیسٹ کیریئر شروع کیا تھا ۔وہ ٹیسٹ کرکٹرز میں معمر ترین کھلاڑیوں میں 64ویں نمبر پر موجود ہیں ۔
https://www.youtube.com/shorts/fMRRSOHPM54
آصف آفریدی اگر سائوتھ افریقہ کیخلاف کل ڈیبیو کر پاتے ہیں تووہ تابش خان سے یہ اعزازچھین سکتے ہیں ۔آصف آفریدی 38سال اور 291دن کی عمر میں اپنا ٹیسٹ کیریئر شروع کریں گے ۔
