آر اے شمشاد
ایشیا کپ سپر فور کے تیسرے میچ میں آج شاہینوں کا جوڑ سری لنکا سے پڑے گا ۔ پاکستان ٹیم کو اگر مگر سے بچنے کیلئے سری لنکا پر لازمی فتح درکارہے ۔
دونوں ٹیمیں سپر فور مرحلے میں اپنا ایک ایک میچ کھیل چکی ہے اور جیت کا مزہ چکھنے میں کامیاب نہیں ہو سکی ہیں ۔ سری لنکا کو سپرفور کے پہلے میچ میں بنگلہ دیش نے شکست سے دوچار کیا تھا وہیں پاکستان کو بھارت کے ہاتھوں شکست کا سامنا کرنا پڑا ہے ۔بھارت اس ٹورنامنٹ میں واحد ٹیم کا جو ابھی تک ناقابل شکست ہے ۔
https://www.youtube.com/watch?v=Ty86xZ6mBFc
فائنل میں رسائی کیلئے دونوں ٹیموں کیلئے اس میچ میں کامیابی انتہائی ضروری ہے ورنہ ان کو اگلے مرحلے میں جانے کیلئے جیت کے ساتھ ساتھ دوسری ٹیموں پر بھی انحصار کرنا پڑے گا ۔
سپر فور مرحلے میں بنگلہ دیش اور بھارت کی ٹیمیں کل مد مقابل آئیں گی جبکہ پاکستان اپنا آخری میچ بنگال ٹائیگرز کیخلاف 25ستمبر کو کھیلا جائے گا ۔ انڈیا اور سری لنکا سپر فورکے آخری میچ میں 26ستمبر کو مد مقابل آئیں گے ۔ میگا ایونٹ کا فائنل 28ستمبر کو کھیلا جائے گا ۔
https://www.youtube.com/shorts/pG7S1MSfALk
واضح رہے کہ ایشیا کپ کا ٹائٹل بھارت 8بار اپنے نام کر چکا ہے جبکہ سری لنکا یہ ایونٹ 6بار جیت چکا ہے اور پاکستان 2بارٹرافی اپنے نام کرچکا ہے ۔
