ایشیا کپ کیلئے افغانستان کے سکواڈ کا اعلان ، راشد خان قیادت کریں گے

کابل ( پاک ترک نیوز) افغانستان کرکٹ بورڈ نے ایشیا کپ 2025 کے لیے 17 رکنی اسکواڈ کا اعلان کر دیا ، راشد خان ٹیم کی قیادت کریں گے۔
تفصیلات کے مطابق افغانستان کے سکواڈ میں رحمان اللّٰہ گرباز، ابراہیم زدران، درویش رسولی، صدیق اللّٰہ اتل، عظمت اللّٰہ عمرزئی، کریم جنت، محمد نبی، گلبدین نائب، مجیب الرحمٰن اور اے ایم غضنفر شامل ہیں۔نور احمد، فرید احمد ملک، نوین الحق اور فضل حق فاروقی، شرف الدین اشرف اور محمد اسحاق بھی اسکواڈ کا حصہ ہوں گے۔
افغانستان کی ٹیم ایشیا کپ سے قبل سہ ملکی سیریز میں بھی حصہ لے گی۔