پیٹرولیم مصنوعات کی قیمتوں میں بڑی کمی کا امکان

اسلام آباد ( پاک ترک نیوز) ملک بھر میں پیٹرولیم مصنوعات کی قیمتوں میں بڑی کمی کا امکان ہے۔
پٹرولیم مصنوعات کی قیمتوں میں 16دسمبر سے قیمتوں میں تقریباً 12روپے تک کمی ہو سکتی ہے، آئل انڈسٹری کی جانب سے پیٹرولیم مصنوعات کی قیمتوں کے بارے میں ورکنگ پیپر مکمل کر لیا گیا ہے اور قیمتوں میں کمی کی سفارشات اوگرا کو بھیج دی ہیں۔
پٹرول کی فی لیٹر قیمت میں 36 پیسے کمی ہو سکتی ہے، ہائی سپیڈ ڈیزل 11 روپے 95 پیسے سستا کرنے کی تجویز دی گئی ہے۔
لائٹ ڈیزل فی لیٹر 10 روپے تک سستا ہو سکتا ہے جبکہ مٹی کے تیل کی فی لیٹر قیمت 11 روپے 70 پیسے کرنے کی تجویز اوگرا کو بھجوائی گئی ہے۔
یاد رہے کہ پیٹرولیم مصنوعات کی قیمتوں میں رد و بدل کا حتمی فیصلہ وزیراعظم کی منظوری کے بعد ہو گا، نئی قیمتوں کا اطلاق 16 دسمبر سے ہو گا۔