اسلام آباد ( پاک ترک نیوز) وزیراعظم محمد شہباز شریف نے ایشیئن جونیئر اسکواش چیمپئن شپ میں کامیابیوں پر پاکستانی اسکواش پلیئرز کو خراج تحسین پیش کیا۔
وزیراعظم نے انڈر 15 مقابلوں میں نعمان خان، انڈر 13 مقابلوں میں سہیل عدنان کی سونے کے میڈل اور انڈر 15 میں احمد ریان خلیل اور گرلز انڈر 13 مقابلوں میں ماہ نور علی کی سلور میڈل حاصل کرنے پر کھلاڑیوں اور پوری قوم کو مبارکباددی۔
وزیراعظم شہباز شریف کا کہنا تھا کہ ایشیئن جونیئر اسکواش چیمپئن شپ کے فائنل مقابلوں میں پاکستانی کھلاڑیوں کی جیت اور پورے ٹورنامنٹ میں سات میڈل جیت کر پوری قوم کے دل جیت لئے ۔پوری قوم کو آپ پر فخر ہے۔دعاء ہے کہ آپ کی کامیابیوں کا یہ سلسلہ مستقبل میں بھی جاری رہے۔
وزیراعظم کی ایشیئن جونیئر سکواش چیمپئن شپ میں کامیابیوں پر کھلاڑیوں کو خراج تحسین
