کیا پاکستان انگلینڈ سے ٹی ٹونٹی ورلڈ کپ میں پہلی جیت حاصل کرپائے گا؟

لاہور( پاک ترک نیوز) پاکستان اور انگلینڈ کی ٹیمیں ایک سپر ایٹ مرحلے کے اہم میچ میں مد مقابل آئیں گی ۔ پاکستان ابھی تک انگلینڈ کیخلاف ٹی ٹونٹی ورلڈ کپ میں جیت سے محروم ہے۔
پاکستان اور انگلینڈ کی ٹیموں تین مرتبہ ٹی ٹونٹی ورلڈ کپ میں مد مقابل آ چکی ہیں جہاں انگلینڈ کا پلڑا بھاری ہے ۔ انگلینڈ نے تینوں میچز کامیابی حاصل کر رکھی ہے ۔
پاکستان اور انگلینڈ پہلی بار 2009میں مد مقابل آئے تھے جہاں انگلش ٹیم نے 48رنز سے کامیابی سمیٹی تھی ۔
2010میں دونوں ٹیمیں ایک بار پھر ٹی ٹونٹی ورلڈ کپ میں مد مقابل آئیں یہاں بھی جیت انگلینڈ کے ہی نام رہی۔
پاکستان اور انگلینڈ آخری مرتبہ 2022میں مد مقابل آئیں جہاں انگلش ٹیم نے شاہینوں کو 5وکٹوں سے شکست دی تھی ۔
واضح رہے کہ پاکستان کو سیمی فائنل میں رسائی حاصل کرنے کیلئے لازمی جیت درکار ہے ۔ اس سےقبل ٹی ٹونٹی ورلڈ کپ سپر ایٹ کے پہلے میچ میں پاکستان اور نیوزی لینڈ کی ٹیموں کا میچ بارش کے باعث منسوخ کردیا گیا تھا اور دونوں ٹیموں کو ایک ایک پوائنٹ ملا تھا جبکہ انگلینڈ نے اپنے پہلے میچ میں سری لنکا کو شکست دی تھی ۔