امریکی بحریہ کا سپر کیریئر انڈو پیسیفک خطے میں سرگرم

واشنگٹن ( پاک ترک نیوز )امریکی بحریہ کا سپر کیریئر اب انڈو پیسیفک خطے میں سرگرم ہو گیا۔امریکی بحریہ کے سب سے بڑے سپر کیریئر یو ایس ایس جیرالڈ آر فورڈ سی وی این 78 کی ریکارڈ طویل تعیناتی مکمل ہونے اور ورجینیا کے نیول اسٹیشن نورفوک واپسی کے صرف ایک ہفتے بعد، ایک اور طیارہ بردار بحری جہاز نے ممکنہ طور پر 2026 کے انڈو پیسیفک مشن کا آغاز کر دیا ہے۔
دنیا کے دوسرے حصے میں، جاپان کے شہر یوکوسوکا میں قائم اپنے ہوم پورٹ سے امریکی بحریہ کا نِمٹز کلاس جوہری توانائی سے چلنے والا طیارہ بردار بحری جہاز یو ایس ایس جارج واشنگٹن سی وی این 73روانہ ہو گیا۔
سوشل میڈیا پر جہازوں پر نظر رکھنے والے افراد نے ٹوکیو بے میں اس جنگی جہاز کی تصاویر شیئر کیں۔ اخبار اسٹارز اینڈ اسٹرائپس کے مطابق، نِمٹز کلاس طیارہ بردار بحری جہاز خاموشی سے سمندر کی جانب روانہ ہوا، تاہم عملے کے اہلِ خانہ بیس کے ساحل پر موجود تھے اور اپنے پیاروں کو الوداع کہنے کے لیے ہاتھ ہلا رہے تھے۔یہ جنگی جہاز کئی ہفتوں سے اپنی اگلی تعیناتی کی تیاری کر رہا تھا۔
یو ایس ایس جارج واشنگٹن امریکی بحریہ کا واحد فارورڈ ڈیپلائڈ طیارہ بردار بحری جہاز ہے، یہ ذمہ داری اس نے 2024 کے آخر میں دوبارہ سنبھالی تھی۔یہ جنگی جہاز اپنی مڈ لائف ری فیولنگ مکمل ہونے کے بعد گزشتہ دسمبر میں انڈو پیسیفک خطے میں اپنی پہلی گشت بھی مکمل کر چکا ہے۔