پاکستان نے پہلے ایک روزہ میچ میں سری لنکا کو شکست دیدی

راولپنڈی (پاک ترک نیوز) پاکستان نے تین میچوں پر مشتمل سیرز کے پہلے ایک روزہ میچ میں سری لنکا کو شکست دیدی۔
راولپنڈی میں کھیلے جا رہے تین میچوں کی سیریز کے پہلے ایک روزہ میچ میں سری لنکا نے ٹاس جیت کر پہلے بائولنگ کا فیصلہ کیا تھا۔
پاکستان نے پہلے بیٹنگ کرتے ہوئے سری لنکا کو جیت کیلئے 300رنز کا ہدف دیا تھا ۔سری لنکا ہدف کے تعاقب میں 9وکٹوں کے نقصان پر 293رنز بنا پائی۔ پاکستان نے یہ میچ 6رنز سے جیت لیا۔
سری لنکا کی جانب سے ہشرنگا نے 59،سماراوکرما نے 39اور کپتان اشالنکا نے 32رنز بنائے۔
پاکستان کی جانب سے حارث رئوف نے 3،نسیم شاہ اور فہیم اشرف نے دو دو کھلاڑیوں کو آئوٹ کیا۔
قبل ازیں پاکستان نے پہلے ایک روزہ میچ میں سری لنکا کو جیت کیلئے 300رنز کا ہدف دیا تھا ۔
پاکستان نے پہلے کھیلتے ہوئے مقررہ پچاس اوورز میں 5وکٹوں کے نقصان پر 299رنز بنا ئےاور سری لنکا کو جیت کیلئے 300رنز کا ہدف دیا تھا۔
پاکستان کی جانب سے سلمان علی آغا نے ناقابل شکست رہتے ہوئے 105رنز بنائے ۔ حسین طلعت 62جبکہ محمد نواز نے 36رنز بنائے۔
سری لنکا کی جانب سے ہشرنگا نے 3جبکہ فرنینڈو اور تھسکانا نے ایک ایک کھلاڑی کو آئوٹ کیا ۔
تین میچوں پر مشتمل سیریز کا دوسرا ایک روزہ میچ 13جبکہ تیسرا اور آخری ون ڈے 15نومبر کو کھیلا جائے گا۔