خلیجی ریاستوں کے ساتھ تعلقات آپ ریاست پر چھوڑ دیں،وزیر قانون

اسلام آباد ( پاک ترک نیوز) وزیر قانون اعظم نذیر تارڑ کا کہنا ہے پاکستان کے خلیجی ریاستوں کے ساتھ تعلقات آپ ریاست پر چھوڑ دیں، ریاست پر اعتماد کریں، ہم سب آئین کے پابند ہیں،،ہمیں اپنی حدود کا پتہ ہونا چاہیئے ۔
وزیر اطلاعات عطاتارڑ اور وزیرمملکت طلال چودھری کے ساتھ نیوز کانفرنس میں اعظم نذیر تارڑ نے کہا،،کہا ، ،خطہ مشکل حالات سے گزر رہا ہے ،مثبت سوچ سے اگے بڑھنا ہو گا،موجودہ صورتحال پر پوری دنیا کو گہری تشویش ہے۔ مشرق وسطیٰ میں کشیدگی کے لیے پاکستان اپنا کردار ادا کر رہا ہے ۔ سوشل میڈیا پر خیال رکھنا چاہیئے کہ پاکستان کا آئین کیا کہتاہے ،کسی ایک شخص کی رائے بھی آئین پر اثر انداز ہوتی ہے ،سفارتی تعلقات پر اس کا اثر پڑتا ہے۔
وزیر اطلاعات عطا تارڑ نے کہا خطے کے ملکوں کے ساتھ ہمارے قریبی اور دوستانہ تعلقات ہیں، خارجہ پالیسی کے بارے میں سوشل میڈیا پر غیر ضروری تبصرے نقصان دہ ہیں،ویوز کے لئے دو ممالک کے تعلقات پر منفی وی لاگ نقصان دہ ہو سکتا ہے، موجودہ صورتحال میں سنسنی پھیلانا ملک کی خدمت نہیں۔