ایشیا کپ، اینڈی پائی کرافٹ کی جگہ رچی رچرڈسن کو پاکستانی میچز میں ریفری مقرر کرنے کا امکان

لاہور(پاک ترک نیوز ) آئی سی سی نے ایشیا کپ میں میچ ریفری اینڈی پائی کرافٹ کو ہٹانے کی درخواست کردی ہے تاہم ویسٹ انڈیز کرکٹر رچی رچرڈسن کو پاکستانی میچز میں میچ ریفری مقرر کئے جانے کا امکان ہے ۔
تفصیلات کےمطاقب آئی سی سی نے پاکستان کی جانب سے میچ ریفری اینڈی پائی کرافٹ کو ہٹانے کی درخواست مسترد کر دی ہے، اس حوالے سے پاکستان کرکٹ بورڈ (پی سی بی) کو آگاہ بھی کر دیا گیا۔
بھارتی ویب سائٹ نے دعویٰ کیا ہے کہ آئی سی سی نے پاکستان کے اس مؤقف کو بھی تسلیم نہیں کیا کہ میچ ریفری نے بھارتی ٹیم کے دباؤ پر متنازع اقدام کیا، گراؤنڈ میں موجود ایشین کرکٹ کونسل کے رکن نے ہی پائی کرافٹ کو "ہینڈ شیک” نہ کرنے کے حوالے سے کہا تھا۔
پائی کرافٹ کو پورے ایشیا کپ سے ہٹانے کے بجائے صرف پاکستان کے میچز سے الگ کرنے پر غور کیا جا رہا ہے اور ان میچز میں سابق ویسٹ انڈین کرکٹر رچی رچرڈسن کو میچ ریفری مقرر کرنے کا امکان ہے۔