وزیراعظم شہبازشریف سے یورپی کونسل کے صدر کا رابطہ

اسلام آباد (پاک ترک نیوز )وزیر اعظم شہباز شریف سے یورپی کونسل کے صدر انتونیو کوسٹا کا ٹیلیفونک رابطہ  ہوا ہے ،دونوں رہنماؤں نے مشرق وسطیٰ کی موجودہ صورتحال پر تبادلہ خیال کیا۔وزیراعظم نے صدر کوسٹا کے ساتھ پاکستان کی خطے میں امن کے قیام کے لیے سفارتی کوششوں کے بارے میں آگاہ کیا۔صدر کوسٹا نے خطے میں مذاکرات اور استحکام کو فروغ دینے میں پاکستان کے تعمیری کردار کو سراہا،انتونیو کوسٹا نے کہا  یورپی یونین اس عمل کی ہر ممکن حمایت کے لیے تیار ہے۔ دونوں رہنماؤں نے دیرپا علاقائی اور عالمی سلامتی کو یقینی بنانے کے لیے بات چیت اور سفارت کاری کو جاری رکھنے کی ضرورت پر زور دیا۔ دونوں رہنماؤں نے رابطے میں رہنے پر بھی اتفاق کیا۔