اسلام آباد(پاک ترک نیوز ) پاکستان اور کویت نے فوجی تعلقات کو مزید فروغ دینے کے لیے دفاعی تعاون کے نئے معاہدے پر دستخط کر دیے۔
کویتی وزیر دفاع شیخ عبداللہ علی عبداللہ الصباح کے دورہ اسلام آباد کے دوران اہم پروٹوکول طے پایا، جبکہ وزیر دفاع خواجہ محمد آصف اور کویتی ہم منصب نے دوطرفہ دفاعی امور پر تفصیلی تبادلہ خیال کیا۔
معاہدے کے تحت پاکستانی مسلح افواج کویتی فوج کو تربیت، صلاحیت سازی اور بارڈر مینجمنٹ میں معاونت فراہم کریں گی۔ دونوں ممالک نے علاقائی سیکیورٹی، باہمی دلچسپی کے امور اور خطے میں امن کے استحکام کے عزم کا اظہار کیا۔
