باکو (پاک ترک نیوز)
جمہوریہ آذربائیجان کے صدر الہام علیئیف نے 15 جولائی کو ترکیہ میں ہونے والی تقریبات کے موقع پر جمہوریہ ترکیہ کے صدر رجب طیب اردوان کو الکھے گئے خط میں کہا ہے کہ وہ اپنے ان تمام بھائیوں اور بہنوں کی یاد کا احترام کرتےہیں جو نو سال قبل ترکیہ میں بغاوت کی کوشش کو ناکام بناتے ہوئے شہید ہو گئے تھے۔ اور ان کے اہل خانہ اور ترکیہ کے تمام لوگوں سے اپنی گہری تعزیت کا اظہار کرتا ہوں۔
ترکیہ کے صدر کو آج پیش کئے گئے خط میں صدر الہام علئیف نے کہا ہے کہ اس رات برادر ترکیہ نے اپنی جدید تاریخ کی سب سے بڑی بہادری کا واقعہ لکھا۔ آپ کے دلیر اور ثابت قدم لوگ اپنے وطن، پرچم اور ریاست کے دفاع کے لیے اٹھ کھڑے ہوئے، بغاوت کی خونریز کوشش کا مقابلہ کیا جس نے جمہوریہ ترکی کی آئینی اور جمہوری بنیادوں کو خطرے میں ڈالا، اپنے سینوں کو ڈھال بنا دیا۔ آج، ہم فخر سے کہہ سکتے ہیں کہ 15 جولائی – "جمہوریت اور قومی اتحاد کا دن” ایک تاریخی دن کے طور پریاد رکھا جائے گا۔ جو مضبوط اور غیر متزلزل ارادے، قومی اتحاد، یکجہتی اور حب الوطنی کی فتح کا استعارہ ہے۔
انہوں نے کہا کہ غدار بغاوت کی کوشش کے پہلے لمحات سے آذربائیجان کے عوام اور ریاست نے برادر ترکیہ کے ساتھ کھڑے ہو کر اپنی حمایت اور یکجہتی کا مظاہرہ کیا۔ جو ایک بار پھر "ایک قوم، دو ریاست” کے اصول کا واضح مظہر اور ہمارے بھائی چارے کی روشن مثال تھی۔
آزربائیجان کے صدر کا ترک صدر کو 15جولائی کی ناکام بغاوت کی برسی پر یگانگت کاخط
