پاک آسٹریلیا پہلا ایک روزہ میچ کل کھیلا جائے گا

راولپنڈی (پاک ترک نیوز) پاکستان اور آسٹریلیا کی ٹیمیں کل پہلے ایک روزہ میچ میں مد مقابل آئیں گی ۔
تفصیلات کے مطابق تین میچوں پر مشتمل سیریز کا پہلا ون ڈے کل راولپنڈی میں کھیلا جائے گا ۔ پاکستانی وقت کے مطابق یہ میچ شام ساڑھے چار بجے شروع ہو گا ۔
راولپنڈی کرکٹ اسٹیڈیم میں پریس کانفرنس سے خطاب کرتے ہوئے پاکستان کرکٹ ٹیم کے کپتان شاہین شاہ آفریدی کا کہنا ہے کہ جب ٹیم ہارتی ہے تو میڈیا ہمارے خلاف ہوجاتا ہے، ہم بہتر سے بہتر پرفارمنس پر یقین رکھتے ہیں۔
شاہین آفریدی کا کہنا تھا کہ ہماری ہار میں میڈیا کا کردار ہوتا ہے، بے جا تنقید سے ٹیم کا مورال کمزور ہوجاتا ہے۔ ہمیں میڈیا کی طرف سے خبریں ملتی ہیں ہم اچھا پرفارم نہیں کررہے۔
سیریز میں پاکستان اپنا ایک ہزارواں ون ڈے انٹرنیشنل میچ کھیلے گا۔اس متعلق کپتان کا کہنا تھا کہ پاکستان کا ایک ہزارواں ون ڈے انٹرنیشنل کھیلنا ہمارے لیے ایک خاص لمحہ ہے۔
یاد رہے کہ تین میچوں پر مشتمل سیریز کا دوسرا ون ڈے 2جون جبکہ تیسرا اور آخری ایک روزہ میچ 4جون کو کھیلا جائے گا ۔ آخری دونوں میچزکی میزبانی لاہور کے قذافی سٹیڈیم کے سپرد ہے ۔