کابل(پاک ترک نیوز ) ترجمان دفتر خارجہ کے مطابق نائب وزیراعظم و وزیر خارجہ اسحاق ڈار کی افغان قائم مقام وزیر خارجہ سے ملاقات ہوئی، فریقین نے دو طرفہ تعلقات کی رفتار کو برقرار رکھنے پر زور دیا۔
ملاقات کے موقع پر تجارت، ٹرانزٹ اور سلامتی کے شعبوں میں باہمی مفاد کیلئے تعاون بڑھانے کے عزم کا اظہار کیا گیا، علاقائی اقتصادی ترقی کی مکمل صلاحیت کے حصول کے لیے رابطے میں رہنے پر اتفاق کیا گیا
قبل ازیں نائب وزیراعظم و وزیر خارجہ اسحاق ڈار افغانستان کے ایک روزہ دورے پر کابل پہنچے، افغان نائب وزیر خارجہ اور پاکستانی سفیرعبدالرحمان نظامانی نے کابل پہنچنے پر اسحاق ڈار کا استقبال کیا۔
ترجمان دفتر خارجہ کے مطابق دورے کے دوران وزیر خارجہ پاکستان، افغانستان، ازبکستان ریلوے لائن کی مشترکہ فزبیلٹی سٹڈی کے معاہدے پر دستخط کریں گے۔
دفتر خارجہ کے ترجمان کے مطابق اسحاق ڈار کے ساتھ اعلیٰ سطح کا وفد بھی موجود ہے، وزیر خارجہ کے ہمراہ نمائندہ خصوصی برائے افغانستان، وزیر ریلوے اور سیکرٹری ریلوے موجود ہے۔
اسحاق ڈار کی افغان قائم مقام وزیر خارجہ سے ملاقات، دوطرفہ تعلقات پر تبادلہ خیال
