اسلام آباد:(پاک ترک نیوز)16جنوری سے پاکستان میں پیٹرولیم مصنوعات کی قیمتوں میں بڑی کمی متوقع ہے۔ ذرائع کے مطابق پیٹرول کی قیمت میں فی لیٹر 4 روپے 59 پیسے کمی متوقع ہے، جبکہ ہائی اسپیڈ ڈیزل کی قیمت میں 2 روپے 70 پیسے کمی کی پیش گوئی کی گئی ہے۔
مٹی کے تیل کی قیمت میں 1 روپے 82 پیسے اور لائٹ ڈیزل آئل میں 2 روپے 8 پیسے فی لیٹر کمی متوقع ہے۔
یہ تبدیلیاں وزیراعظم کی منظوری کے بعد لاگو کی جائیں گی۔عالمی منڈی میں بھی پیٹرول اور ڈیزل کی قیمتوں میں نمایاں کمی دیکھی گئی ہے۔ فی بیرل پیٹرول کی قیمت 69.27 ڈالر سے کم ہوکر 66.54 ڈالر پر آ گئی ہے، جبکہ پیٹرولیم پریمیم میں 13 سینٹ کمی ریکارڈ کی گئی اور پریمیم 5 ڈالر 14 سینٹ سے کم ہوکر 5 ڈالر 1 سینٹ پر آگیا۔
پیٹرول کی ایکس ریفائنری قیمت میں 6 روپے 51 پیسے کی کمی ہوئی، جس کے بعد ایکس ریفائنری قیمت 145 روپے 57 پیسے سے کم ہوکر 139 روپے 6 پیسے فی لیٹر پر پہنچ گئی۔
اسی طرح ڈیزل کی فی بیرل قیمت 76.32 ڈالر سے کم ہوکر 73.99 ڈالر ہو گئی۔ ڈیزل پر کسٹم ڈیوٹی اور ایکسچینج ایڈجسٹمنٹ کے اثرات کے بعد ایکس ریفائنری قیمت 155 روپے 33 پیسے سے کم ہوکر 149 روپے 99 پیسے فی لیٹر ریکارڈ کی گئی۔
اس کمی کے بعد صارفین کو پیٹرول اور دیگر ڈیزل مصنوعات پر کافی راحت ملنے کی توقع ہے، جبکہ حکومت کا کہنا ہے کہ عالمی منڈی میں قیمتوں کے مطابق مستقبل میں مزید ایڈجسٹمنٹ کی جا سکتی ہے۔
