لاہور( پاک ترک نیوز)
بھارت پر کلین سوئپ کا خطرہ منڈلانے لگا ۔ بھارت جنوبی افریقہ کیخلاف دوسرے ٹیسٹ میچ میں بھی شکست کے قریب پہنچ گیا ۔ بھارت نے دوسرے ٹیسٹ میچ کی دوسری اننگز میں چوتھے روز کھیل کے اختتام پر 2وکٹوں کے نقصان پر 27رنز بنا لئے ہیں اور اس کو جیت کیلئے مزید 522رنز درکار ہیں ۔ دوسری جانب جنوبی افریقہ کو دو میچوں کی سیریز میں کلین سوئپ کیلئے مزید 8وکٹیں درکار ہیں۔
گوہاٹی میں کھیلے جا رہے دوسرے ٹیسٹ میچ میں جنوبی افریقہ نے اپنی پہلی اننگز میں 489رنز سکور کئے جس کے جواب میں پوری بھارتی ٹیم 201رنز پر ہی پویلین لوٹ گئی اور اسے فالو آن کا سامنا کرنا پڑا تھا ۔
جنوبی افریقہ نے دوسری اننگز 260رنز پانچ کھلاڑیوں کے نقصان پر ڈیکلیئر کردی تھی ۔ بھارت کو جیت کیلئے 550رنز کا ہدف دیا تھا تاہم بھارت کے افتتاحی بلے باز جیسوال اور کول راہول زیادہ دیر کریز پر نہ ٹھہرسکے اور یوشوی جیسوال 13اور کول راہول محض 6رنز کے ہی مہمان ثابت ہوئے ۔ دن کے اختتام پر سدرسن 2جبکہ کلدیپ یادیو 4رنز بنا کر کریز پر موجود ہیں ۔
مارکوس جانسن اورہارموس نے ایک ایک کھلاڑی کو آئوٹ کیا ۔
واضح رہے کہ دو ٹیسٹ میچوں پر مشتمل سیریز میں جنوبی افریقہ کو ایک صفر کی ناقابل شکست برتری حاصل ہے۔ سائوتھ افریقہ نے ایڈن گارڈن میں کھیلے گئے پہلے ٹیسٹ میچ میں 30رنز سے بھارت کو شکست سے دوچار کیا تھا ۔
