لاہور(پاک ترک نیوز)قومی ٹیسٹ کرکٹ ٹیم کے کپتان شان مسعود ڈومیسٹک کرکٹ کے دوران انجری کا شکار ہوگئے، جس کے باعث سری لنکا کے خلاف ٹیسٹ سیریز میں ان کی شرکت مشکوک ہوگئی ہے۔
ذرائع کے مطابق پریزیڈنٹ ٹرافی میں سوئی ناردرن کی جانب سے او جی ڈی سی ایل کے خلاف میچ کھیلتے ہوئے شان مسعود کی بائیں پنڈلی میں تکلیف ہوئی۔
ذرائع کا کہنا ہے کہ پنڈلی کے پٹھوں کی تکلیف کے باعث شان مسعود آخری مرحلے کا میچ نہیں کھیل رہے۔ انہیں مکمل فٹنس حاصل کرنے کے لیے دو سے تین ہفتے درکار ہیں۔
یہ بھی پڑھیں: ایران کا افزودہ یورینیئم ملک سے باہر نہ بھیجنے کا اعلان
ذرائع کے مطابق شان مسعود کے سری لنکا کے خلاف ٹیسٹ سیریز میں شرکت نہ کرنے کا امکان ہے۔ پاکستان اور سری لنکا کے درمیان دو ٹیسٹ میچوں کی سیریز کا پہلا میچ 9 نومبر سے شروع ہوگا۔
