اسلام آباد (پاک ترک نیوز) نائب وزیراعظم اور وزیر خارجہ اسحاق ڈار نے مصر کے وزیر خارجہ ڈاکٹر بدر عبدالعاطی سے ٹیلیفون پر رابطہ کیا، جس میں تازہ ترین علاقائی صورتحال پر تبادلہ خیال کیا گیا۔
ترجمان دفتر خارجہ کے مطابق دونوں رہنماؤں نے اتفاق کیا کہ تمام مسائل کے حل کے لیے مذاکرات اور سفارت کاری ہی واحد راستہ ہیں۔دونوں رہنماؤں نے مکالمے کے فروغ اور کشیدگی میں کمی کے لیے کوششوں کی حمایت جاری رکھنے کے عزم کا اظہار کیا۔
یہ بھی پڑھیں: بلوچستان میں سیکیورٹی فورسز کا آپریشن، بھارتی سرپرستی میں سرگرم 5 دہشت گرد ہلاک
ترجمان دفتر خارجہ کے مطابق اسحاق ڈار اور مصری وزیر خارجہ نے باہمی دلچسپی کے تمام امور پر قریبی رابطہ برقرار رکھنے پر بھی اتفاق کیا۔
