اسلام آباد (پاک ترک نیوز ) چیف جسٹس آف پاکستان جسٹس یحییٰ آفریدی کی زیر صدارت اجلاس میں جوڈیشل کمیشن نے سندھ ہائیکورٹ کے آئینی بینچ کی مدت میں ایک سال کی توسیع کی منظوری دے دی۔
ذرائع کے مطابق جوڈیشل کمیشن نے احسن بھون کی ڈگری اصلی ہونے کی تصدیق بھی کر دی ہے۔
ذرائع کا کہنا ہے کہ چیف جسٹس پاکستان، جوڈیشل کمیشن کے سربراہ کو کیپٹن صفدر کی جانب سے درخواست موصول ہوئی تھی، جس پر چیف جسٹس نے کمیشن کے رکن احسن بھون کی ڈگریوں کی تصدیق کرائی۔
ذرائع کے مطابق جوڈیشل کمیشن نے اجلاس میں بلاول بھٹو زرداری اور رانا ثنا اللہ کو خوش آمدید بھی کہا۔
