اسلام آباد(پاک ترک نیوز )وزیراعظم محمد شہباز شریف نے انٹرنیشنل اسلامک یونیورسٹی کی طالبہ لائبہ اعجاز کی خودکشی کے واقعے کا نوٹس لے لیا۔
وزیراعظم شہباز شریف نے نوجوان طالبہ کی خودکشی کو انتہائی افسوس ناک واقعہ قرار دیتے ہوئے آئی جی اسلام آباد اور چیف کمشنر کو ہدایت کی ہے کہ مرحومہ کے ساتھ فراڈ کرنے والے ملزم کو فوری طور پر گرفتار کیا جائے۔
وزیراعظم نے کہا کہ ملزم کو فوری حراست میں لے کر قانون کے مطابق قرار واقعی سزا دی جائے گی۔
انہوں نے متعلقہ حکام کو واقعے کے حوالے سے ضروری اقدامات کرنے کی ہدایت بھی کی۔
