کراچی (پاک ترک نیوز )پاکستان میں سونے کی قیمت میں مسلسل دوسرے روز بھی اضافہ ریکارڈ کیا گیا، جس کے بعد فی تولہ سونا 4 لاکھ 40 ہزار روپے سے تجاوز کر گیا۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونے کی قیمت میں 5 ہزار 900 روپے کا اضافہ ہوا، جس کے بعد نئی قیمت 4 لاکھ 40 ہزار 936 روپے ہو گئی۔
اسی طرح 10 گرام سونے کی قیمت بھی 5 ہزار 58 روپے بڑھ کر 3 لاکھ 78 ہزار 31 روپے پر پہنچ گئی۔
دوسری جانب عالمی مارکیٹ میں بھی سونا مہنگا ہو گیا۔ عالمی بازار میں فی اونس سونے کی قیمت 59 ڈالر اضافے کے بعد 4 ہزار 184 ڈالر ہو گئی۔
واضح رہے کہ گزشتہ روز بھی ملک میں سونے کی فی تولہ قیمت میں 600 روپے کا اضافہ ریکارڈ کیا گیا تھا۔
