اسلام آباد(پاک ترک نیوز )نیشنل الیکٹرک پاور ریگولیٹری اتھارٹی نے بجلی کی قیمت میں ایک روپے 11 پیسے فی یونٹ اضافہ کردیا۔
نیپرا کے نوٹیفکیشن کے مطابق بجلی کی قیمت میں اضافہ اگست کی ماہانہ ایندھن قیمت ایڈجسٹمنٹ کے تحت ایک ماہ کے لیے کیا گیا ہے۔
اضافی قیمت کراچی سمیت ملک بھر کے بجلی صارفین سے اکتوبر کے بلوں میں وصول کی جائے گی۔
ذرائع کے مطابق اگست کی ایندھن قیمت ایڈجسٹمنٹ کے نتیجے میں بجلی صارفین پر مجموعی طور پر 19 ارب روپے کا اضافی بوجھ منتقل ہوگا۔
نوٹیفکیشن کے مطابق لائف لائن صارفین پر بجلی کی قیمت میں اس اضافے کا اطلاق نہیں ہوگا۔
نئی ایڈجسٹمنٹ کے بعد اکتوبر کے بجلی بلوں میں صارفین کو فی یونٹ اضافی رقم ادا کرنا ہوگی۔
