راولپنڈی ( پاک ترک نیوز) شمالی وزیرستان میں سکیورٹی فورسز نے کامیاب انٹیلی جنس بیسڈ کارروائی کرتے ہوئے 13 خوارج کو ہلاک کردیا۔سکیورٹی ذرائع کے مطابق سکیورٹی فورسز نے شمالی وزیرستان اور گردونواح میں فتنہ الخوارج کے ٹھکانوں کو کامیابی سے نشانہ بنایا۔ذرائع کا کہنا ہے کہ سکیورٹی فورسز نے فتنہ الخوارج کی نقل و حرکت پر مسلسل نگرانی رکھی اور ان کی موجودگی کی اطلاع ملنے پر فیصلہ کن کارروائی کی۔
سکیورٹی ذرائع کے مطابق کارروائی کے دوران 13 خوارج جہنم واصل ہوئے، جبکہ علاقے میں ممکنہ دیگر شدت پسندوں کی موجودگی کے پیش نظر کارروائی اور نگرانی کا سلسلہ جاری ہے۔
