پشاور(پاک ترک نیوز ) پاکستان تحریک انصاف نے لانگ مارچ کے آخری مرحلے کے لائحہ عمل میں تبدیلی کردی۔وزیراعلیٰ خیبرپختونخوا سہیل آفریدی نے سماجی رابطے کی ویب سائٹ ایکس پر نئے لائحہ عمل کا اعلان کرتے ہوئے بتایا کہ لانگ مارچ اب صوابی کے بجائے خیرآباد، نوشہرہ جائے گا۔
سہیل آفریدی کے مطابق پی ٹی آئی کا قافلہ 8 اکتوبر کو خیرآباد پہنچے گا، جہاں آئندہ مرحلے کے لائحہ عمل کا اعلان کیا جائے گا۔وزیراعلیٰ خیبرپختونخوا نے کہا کہ لانگ مارچ کے آخری مرحلے میں نئی حکمت عملی کے تحت پیش رفت کی جائے گی۔
خیرآباد جی ٹی روڈ پر نوشہرہ اور اٹک کے درمیان واقع ہے، جہاں پہنچنے کے بعد مارچ کے آئندہ سفر سے متعلق فیصلہ سامنے آئے گا۔
