اسلام آباد (پاک ترک نیوز ) چیئرمین پی ٹی آئی بیرسٹر گوہر کا کہنا ہے کور کمانڈرز کانفرنس کی پریس ریلیز پر بات نہیں کرسکتا۔
میڈیا سے گفتگو کرتے ہوئے انہوں نے کہا کہ ہم قوم اور ملک میں تقسیم پیدا نہیں کرنا چاہتے، ہم چاہتے ہیں کہ پاکستان کا دفاع مزید مضبوط ہو۔
بیرسٹر گوہر کا کہنا تھا کہ ہمارا فوج کے ساتھ کوئی جھگڑا نہیں ہے، ہم اپنے آئینی اور قانونی حقوق مانگنے کے لیے لانگ مارچ کررہے ہیں۔
انہوں نے کہا کہ چند وزرا اور دیگر افراد کے بیانات پر مایوسی ہوئی ہے۔ پیچیدہ حالات میں جب مذاکرات ملک، قوم اور جمہوریت کے لیے اشد ضروری ہیں، ایسے غیر ذمہ دارانہ بیانات کا آنا بدقسمتی ہے۔
