ایران کی جانب سے حوثیوں سے لاتعلقی کا اظہار سامنے آیا ہے ۔
تفصیلات کے مطابق ایران کے وزیر خارجہ عباس عراقچی نے حوثیوں کی خلیج مملک کیخلاف کارروائیوں سے لاتعلقی کا اظہار کیا ہے۔
ایرانی وزیر خارجہ عباس عراقچی نے حملوں یا جنگ کے تسلسل کے بجائے سیاسی رابطوں اور بات چیت کی تجویز دی ہے۔
یاد رہے کہ یہ بیان ایسے وقت میں سامنے آیا ہے جب خطے میں حوثی کارروائیوں اور کشیدگی میں اضافہ دیکھا جا رہا ہے.
دوسری جانب سعودی عرب پر حوثی میزائل حملے جاری ہیں، ان حملوں میں عسیر میں ایک شخص زخمی، نجران میں اسکول کو نقصان پہنچا ہے ۔
یہ بھی پڑھیں: جاپان نے سمندر میں گرنے والے امریکی ساختہ جاسوس ڈرون کی تلاش شروع کردی
سعودی عرب کے صوبہ عسیر میں حوثیوں کا بیلسٹک میزائل فضا میں تباہ کیے جانے کے بعد اس کے ملبے کی زد میں آکر ایک شخص زخمی ہوگیا، جبکہ جنوبی شہر نجران میں حوثیوں کے پروجیکٹائل حملے میں اسکول کو نقصان پہنچا۔
سعودی سول ڈیفنس کے مطابق عسیر کے گورنریٹ احد رفیدہ میں تباہ کیے گئے میزائل کا ملبہ گرنے سے ایک شخص زخمی ہوا۔
