لندن(پاک ترک نیوز )وزیراعظم شہباز شریف لندن میں چار روزہ قیام مکمل کرنے کے بعد پاکستان کے لیے روانہ ہوگئے۔
ذرائع کے مطابق وزیراعظم نے دورہ امریکا مکمل کرنے کے بعد لندن میں قیام کیا، جہاں انہوں نے سرمایہ کاروں اور کاروباری شخصیات سے اہم ملاقاتیں کیں۔
وزیراعظم نے دورہ امریکا کے دوران اقوام متحدہ کی جنرل اسمبلی سے خطاب کیا اور عالمی رہنماؤں سے ملاقاتیں بھی کیں۔
لندن میں قیام کے دوران شہباز شریف نے لندن اسٹاک ایکسچینج کا دورہ کیا اور افتتاحی تقریب میں شرکت کی۔
اس موقع پر وزیراعظم نے کہا کہ پاکستان کے معاشی اشاریے بہتری کی جانب گامزن ہیں، جبکہ ملکی معیشت کو مستحکم کرنے کے لیے حالیہ برسوں میں بھرپور محنت کی گئی ہے۔
شہباز شریف کا کہنا تھا کہ دو ارب ڈالر مالیت کے یورو بانڈ کا اجرا معاشی بہتری کے لیے کی جانے والی کوششوں کا واضح ثبوت ہے۔
