دبئی (پاک ترک نیو ز)دبئی میں کھیلے گئے ویمن ٹی20 ایشیا کپ کے میچ میں پاکستان نے تھائی لینڈ ویمنز کو 35 رنز سے شکست دے کر ٹورنامنٹ کا فاتحانہ آغاز کردیا۔پاکستان نے پہلے بیٹنگ کرتے ہوئے تھائی لینڈ کو جیت کے لیے 120 رنز کا ہدف دیا، جس کے جواب میں تھائی لینڈ کی ٹیم مقررہ 20 اوورز میں 8 وکٹوں کے نقصان پر 84 رنز بنا سکی۔
پاکستان کی جانب سے اوپنر منیبہ علی نے شاندار 54 رنز کی اننگز کھیلی، جس پر انہیں پلیئر آف دی میچ قرار دیا گیا، جبکہ صدف شمس نے 20 رنز بنائے۔قومی ٹیم کی کپتان فاطمہ ثنا صفر پر آؤٹ ہوئیں، جبکہ پاکستان کی سات بیٹرز ڈبل فگر میں داخل نہ ہوسکیں۔
یہ بھی پڑھیں: وزیر جنگ سے اختلاف ، امریکی فوج کے سیکرٹری ڈین ڈرسکول مستعفی
بولنگ میں سعدیہ اقبال نے 3 وکٹیں حاصل کیں، طوبیٰ حسن نے 2 کھلاڑیوں کو آؤٹ کیا، جبکہ کپتان فاطمہ ثنا اور نشرہ سندھو نے ایک ایک وکٹ حاصل کی۔پاکستان ویمن ٹیم اب 5 ستمبر کو روایتی حریف بھارت کے خلاف میدان میں اترے گی۔
