آر اے شمشاد
بھارت نے آغاز سے ہی ایشیا کپ کو متنازع بنا دیا ہے ۔ بھارتی رویے کے باعث ایشیا کپ جیسے بڑے ایونٹ کا مزا کرکرا ہوگیا ہے۔ایشیا کپ اپنے آخری سٹیج پر پہنچ چکا تاہم بھارت کے رویے میں کوئی تبدیلی نظر نہیں آ رہی ہے ۔بھارت کی ہٹ دھرمی کے باعث ایشیا کپ فائنل کا دونوں کپتان کا فوٹو شوٹ کھٹائی میں پڑ گیا ہے ۔
ایشیا کپ کا فائنل معرکہ کل روایتی حریفوں پاکستان اور بھارت کے درمیان کھیلا جائے گا ۔ فائنل میچ سے ایک روزہ قبل دونوں ٹیم کے کپتانوں کا ٹرافی کے ساتھ فوٹو شوٹ کا معاملہ بھارتی ہٹ دھرمی کے باعث التوا کا شکار ہوگیا ہے ۔
https://www.youtube.com/watch?v=GNsyzFKNw6o
اس حوالے سے حکام کا کہنا ہے کہ اس ٹرافی کے ساتھ فوٹو شوٹ کا انعقاد کے بارے میں فی الحال کچھ بھی کہنا قبل از وقت ہوگا ۔ تاہم یہ معاملہ کل میچ سے قبل دیکھا جائے گا ۔
واضح رہے کہ اس سے قبل گروپ میچ میں بھارتی کپتان سوریا کمار یادیو کی جانب سے پاکستان کرکٹ ٹیم کے کپتان سلمان علی آغا سے ٹاس کے موقع پر ہاتھ نہ ملانے اور میچ جیتنے کے بعد بغیر مصافحہ کئے چلے جانے پر شائقین کی جانب سے شدید تنقید کا سامنا رہا ہے ۔ پی سی بی کی جانب سے بقیہ میچز میں میچ ریفری کو ہٹانے کا مطالبہ کیا گیا تھا تاہم یہ معاملہ اینڈی پائیکرافٹ کے معافی مانگنے پر حل ہوگیا تھا ۔
انڈین کپتان سوریا کمار نے ایشیا کپ سپر فور کے میچ میں بھی پاکستانی کپتان سے ٹاس کے موقع پر ہاتھ ملانا سے گریز کیا تھا ۔اور ذرائع کا کہنا ہے کہ اب فائنل میں بھی بھارت کی جانب سے ایسے ہی رویے کا امکان ہے ۔
