راولپنڈی (پاک ترک نیوز) فیلڈ مارشل سید عاصم منیر سے ہارورڈ بزنس اسکول کے طلباء کے وفد نے ملاقات کی، جس میں علاقائی و عالمی صورتحال اور پاکستان کے سکیورٹی تناظر پر تبادلہ خیال کیا گیا۔آئی ایس پی آر کے مطابق ملاقات میں خطے اور اس سے باہر امن، استحکام اور خوشحالی کے فروغ کی کوششوں پر بھی بات چیت ہوئی۔
فیلڈ مارشل سید عاصم منیر نے نوجوانوں میں تعلیم، ہنر کی ترقی اور کاروباری صلاحیتوں کی اہمیت اجاگر کی۔انہوں نے کہا کہ سوشل میڈیا پر پروپیگنڈے کے خلاف نوجوانوں کا مثبت کردار ضروری ہے، نوجوان نسل کو حقائق پر مبنی سوچ اور تجزیاتی صلاحیتیں اپنانے پر توجہ دینی چاہیے۔
یہ بھی پڑھیں: فیلڈ مارشل کا دورہ ایران صدر ٹرمپ کے نمائندے کی حیثیت سے نہیں تھا، ترجمان دفتر خارجہ
فیلڈ مارشل نے کہا کہ پروپیگنڈے سے متاثرہ موجودہ دنیا میں حقائق پر مبنی تجزیہ انتہائی اہم ہے، نوجوانوں کو معلومات کا تنقیدی جائزہ لینے اور حقائق کی بنیاد پر رائے قائم کرنے کی ضرورت ہے۔
