اسلام آباد(پاک ترک نیوز )سپریم کورٹ نے گھی اور کوکنگ آئل کی قیمتیں اجتماعی طور پر طے کرنا کمپٹیشن ایکٹ کی خلاف ورزی قرار دیتے ہوئے پاکستان وناسپتی مینوفیکچررز ایسوسی ایشن (پی وی ایم اے) پر عائد 3 کروڑ روپے جرمانہ برقرار رکھا ہے۔
جسٹس جمال خان مندوخیل اور جسٹس صلاح الدین پنہور پر مشتمل دو رکنی بینچ نے سی سی پی اور کمپٹیشن اپیلیٹ ٹربیونل کے فیصلے کی توثیق کردی۔
یہ بھی پڑھیں :پٹرول اور ڈیزل کی قیمت پھر بڑھ گئی
عدالت نے قرار دیا کہ کاروباری ادارے اپنی قیمتیں آزادانہ طور پر طے کرنے کے پابند ہیں، تجارتی ایسوسی ایشن کے ذریعے اجتماعی پرائس فکسنگ مسابقت کو محدود کرتی ہے، چاہے اس سے قیمت کم ہی کیوں نہ ہو۔
