لندن(پاک ترک نیوز )انگلینڈ کے خلاف دوسرے ٹیسٹ سے پہلے پاکستانی ٹیم نے لندن میں ڈیرے ڈال دیے، بابر اعظم کے لارڈز میں بھرپور ٹریننگ سیشن نے شائقین کو بڑی خوشخبری دے دی
لیڈز میں کھیلے گئے پہلے ٹیسٹ کے بعد پاکستان ٹیم لندن پہنچی، جہاں کھلاڑیوں نے تقریباً تین گھنٹے پر مشتمل بھرپور پریکٹس سیشن کیا۔
لارڈز کے تاریخی میدان میں کھلاڑیوں نے پہلے فزیکل ٹریننگ اور فیلڈنگ ڈرلز کیں، جس کے بعد بیٹنگ اور بولنگ کی بھرپور مشقیں بھی کی گئیں۔تاہم سب کی نظریں کپتان بابر اعظم پر جمی رہیں۔
انگلی کی انجری کے باعث پہلے ٹیسٹ سے باہر رہنے والے بابر اعظم نے پریکٹس میں بھرپور شرکت کی۔ کپتان نے فیلڈنگ ڈرلز میں حصہ لینے کے بعد طویل اور بھرپور بیٹنگ سیشن بھی کیا۔
بابر اعظم کی پریکٹس نے پاکستانی شائقین کی امیدیں بڑھا دی ہیں کہ وہ جمعرات سے لارڈز میں شروع ہونے والے دوسرے ٹیسٹ میں ایک بار پھر ایکشن میں دکھائی دے سکتے ہیں۔
