گوجرانوالہ(پاک ترک نیوز ) جیل سپرنٹنڈنٹ اظہر چیمہ کو اینٹی کرپشن نے حراست میں لے لیا۔
ذرائع کے مطابق اظہر چیمہ کے خلاف اینٹی کرپشن میں کافی عرصے سے کرپشن کے الزامات کی تحقیقات جاری تھیں۔ ان پر مبینہ طور پر رشوت لینے کے الزامات کے تحت بھی تحقیقات کی جا رہی تھیں۔
ذرائع کا کہنا ہے کہ گوجرانوالہ جیل میں مبینہ رشوت ستانی کے حوالے سے بھی اظہر چیمہ کے خلاف انکوائریاں جاری رہیں، جبکہ مختلف شکایات اور مبینہ کرپشن کے الزامات پر تحقیقات کی گئیں۔
اینٹی کرپشن نے تحقیقات کے بعد گوجرانوالہ جیل کے سپرنٹنڈنٹ اظہر چیمہ کو گرفتار کیا۔
