واشنگٹن (پاک ترک نیوز)
امریکی صدر ڈونلڈ ٹرمپ کی کل منگل کو نیویارک میں اقوامِ متحدہ کی جنرل اسمبلی کے اجلاس میں شرکت اور خطاب کے موقع پر چند عرب رہنماؤں سے ملاقات متوقع ہے۔ یہ ملاقات چند دن بعد وائٹ ہاؤس میں اسرائیلی وزیر اعظم بنجمن نیتن یاہو سے طے شدہ ملاقات سے قبل ہو گی۔ جبکہ فلسطین کو بطور ریاست تسلیم کرنے کی حالیہ لہر اور مغربی کنارے کے الحاق کےبارے اسرائیلی خطرات موجود ہیں۔
ذرائع کے مطابق یہ ملاقاتیں غزہ میں جنگ ختم کرنے کے طریقوں اور آئندہ کی منصوبہ بندی پر مرکوز ہوں گی۔ ذرائع نے یہ تصدیق نھی کی ہےکہ وائٹ ہاؤس نے ملاقاتوں کے لیے پہلے ہی دعوت نامے بھیج دیے ہیں۔
وائٹ ہاؤس کے ذرائع کے مطابق ٹرمپ انتظامیہ عرب ممالک کو غزہ میں جنگ ختم کرنے اور اپنے مابعد جنگ منصوبے میں شمولیت کے لیے قائل کر رہی ہے۔ جبکہ ممکنہ طور پر اسرائیلی فوج کی جگہ عرب امن افواج بھی تعینات کی جا سکتی ہیں۔
ذرائع کے مطابق توقع کی جا رہی ہے کہ عرب رہنما ٹرمپ سے کہیں گے کہ وہ نیتن یاہو پر غزہ میں جنگ ختم کرنے اور مغربی کنارے میں الحاق کے اقدامات سے روکنے کرنے کے لیے دباؤ ڈالیں۔
ٹرمپ غزہ جنگ بندی پر عرب رہنماؤں کو اعتماد میں لیں گے
